Нови докази укажуваат на постоење на вода во течна агрегатна состојба на површината на Марс, овие анализи се направени од сателитот кој е во елиптична орбита на Марс, „Орбитален истражувач на Марс“ (Mars Reconnaissance Orbiter - MRO).
Користејќи се со спектрометар забележани се отпечатоци кои укажуваат на течна вода богата со минерали на повеќе места од површината на Марс. Токму минералите и солите со кои е заситена водата драстично ја намалуваат температурата на топење и може да биде течна на многу ниски температури. Тие појави се манифестираат како издолжени темни траги кои се излеваат по падините од острите терени на црвената планета. Се појавуваат при промена на годишните времиња и покачување на просечната температура над -23°С. Се појавуваат на пролет, се развиваат и прошируваат на лето, и сосема се повлекуваат на есен кога температурата се намалува.
Користејќи се со спектрометар забележани се отпечатоци кои укажуваат на течна вода богата со минерали на повеќе места од површината на Марс. Токму минералите и солите со кои е заситена водата драстично ја намалуваат температурата на топење и може да биде течна на многу ниски температури. Тие појави се манифестираат како издолжени темни траги кои се излеваат по падините од острите терени на црвената планета. Се појавуваат при промена на годишните времиња и покачување на просечната температура над -23°С. Се појавуваат на пролет, се развиваат и прошируваат на лето, и сосема се повлекуваат на есен кога температурата се намалува.
Темните траги се појавуваат при настапување на потоплите годишни времиња (с) NASA/MRO
За ваквите појави се знаеше уште од 2010 година и се шпекулираше дека се предизвикани од појава на вода. По повеќе годишна анализа на составот и структурата на овие траги конечно се докажа дека се работи за вода која е заситена со соли поради кои може да остане во течна состојба при пониски температури. Ваквите појави се забележуваат секоја пролет на Марс откога интензивно се набљудувани.
Појава и развој на темните ленти во различни годишни времиња (с) NASA/MRO
Овие особини на темните ленти се анализирани со спектрометар и заклучено е дека се работи влажни предели заситени со соли, а кога ќе се повлечат на есен го снемува и отпечатокот за постоење на водата полна со минерали.
Издолжените темни ленти кои повремено се појавуваат на острите терени на Марс. Во овој случај тоа е Копрат процепот (с) NASA/MRO
Ова се разбира не е доказ за постоење на било каква форма на живот. Но од искуството кое го имаме на Земјата, каде и да најдеме вода во течна состојба сигурно има живот без оглед на екстремноста на условите во кои се наоѓа. Сепак пронаоѓањето на течна вода е сериозен показател дека условите за развој на жив свет се многу поголеми од претходно што се претпоставувало.
Истите обележја се гледаат и на падините од Гарни кратерот на Марс. Темните ленти кои се забележуваат на сликата се долги стотина метри (с) NASA/MRO
Мора да се напомене дека солите и минералните соединенија кои се пронајдени во овие предели се многу токсични и корозивни. Возможно е на други места да не се застапени и условите за биолошки живот да бидат уште подобри.
Во продолжение можете и да ги слушнете најважните изјави од вчерашната прес конференција:
Did you miss today's Mars announcement? Here's the highlights from our event on strong evidence showing that liquid water flows on present-day Mars. Watch & learn more: http://go.nasa.gov/1Lh5MrA
Posted by NASA - National Aeronautics and Space Administration on Monday, September 28, 2015
RSS Feed