По две години патување вселенското летало Озирис-Рекс со димензии на мал автомобил пристигна во орбита на астероидот Бену чиј дијаметар е само 500 метри. Поради блиската орбита на Бену со Земјината тоа е лесен објект за истражување. Бену потекнува од самиот зачеток на Сончевиот систем и неговиот состав е еднаков на составот на материјалите од кои се создавал нашиот систем.
Астероидот 101955 Бену снимен од вселенското летало Озирис-Рекс (с) NASA/OSIRIS-REx
Со помош на роботската рака на леталото во јули 2020 година ќе се земе материјал од површината со тежина од 50 грама и тој примерок ќе биде вратен на Земјата за детално хемиско и физичко испитување во лабораторија. Неговата површина е богата со сложени органски соединеија од кои се создавале карпестите планети во Сончевиот систем, а токму од тие соединенија се создале услови за развој на живот на Земјата.
Видео клип од една цела ротација на астероидот Бену снимен со вселенското летало Озирис-рекс (с) NASA/OSIRIS-REx/Roman Tkachenko
Уметничка претстава на леталото додека зема примерок од површината на Бену (с) NASA/OSIRIS-REx
Во март 2021 вселенското летало ќе го напушти астероидот Бену и заедно со научно скапоцениот материјал од површината на астероидот ќе се врати на Земјата на 24 септември 2023 година.
Детали од планираната мисија покрај астероидот Бену
Автор: Кристијан Шишковски
RSS Feed