Откриен е нов мал објект во Сончевиот систем позади орбитата на Нептун. Колоквијално именуван како Гоблин (2015 TG387) се наоѓа на 80 астрономски единици од Сонцето (80 пати подалеку од растојанието Сонце-Земја) и потребни се 40.000 години за да оствари една орбита.
Уметничка претстава на малиот планетоид (с) R Molar Candanosa /S. Sheppard / Carnegie Institution for Science
Овој објект е откриен додека е трагано по хипотетичката масивна ’Планета 9’ чие присуство е можно поради невообичаните орбити на малите објекти и планетоиди во надворешниот регион од Сончевиот систем, исто така ориентацијата на орбитата на овој објект се совпаѓа со постоењето на ’Планета 9’ која сé уште не може да се открие.
Графичка претстава на орбитите на трите најдалечни познати објекти во Сончевиот систем во споредба со Кајперовиот појас (с) R Molar Candanosa /S. Sheppard / Carnegie Institution for Science
Поволната полажба на овој објект кој се наоѓа близу перихел (најблиска точка на орбита околу Сонцето) било можно да биде откриен и забележан од телескопите. Астрономите веруваат дека постојат десетици илјади вакви слични објекти во надворешниот дел од Сончевиот сситем, но моментално се наоѓаат предалеку за да бидат откриени со моменталната технологија.
Секвенца од две последувателни набљудувања со кои е откриен овој мал планетоид (с) S. Sheppard
Во иднина ќе продолжи потрагата по Планета 9 и можни се откритија на повеќе вакви објекти.
Автор: Мартин Стојковски
RSS Feed
