Астрономите користејќи го вселенскиот телескоп Хабл открија месечина која орбитира околу џуџестата планета Макемаке, третиот по големина објект зад орбитата на Нептун, со приближно две третини од големината на Плутон.
Месечината наречена МК 2 е околу 1 000 пати побледа од Макемаке. МК 2 беше забележана на околу 20 000 км од џуџестата планета, а проценката на нејзиниот дијаметар е околу 150 км. Макемаке и широка 1 500 км. Џуџестата планета, откриена во 2005, е именувана според богот создател на античка цивилизација од Велигденските острови.
Месечината наречена МК 2 е околу 1 000 пати побледа од Макемаке. МК 2 беше забележана на околу 20 000 км од џуџестата планета, а проценката на нејзиниот дијаметар е околу 150 км. Макемаке и широка 1 500 км. Џуџестата планета, откриена во 2005, е именувана според богот создател на античка цивилизација од Велигденските острови.
Уметничка претстава на Макемаке со нејзината новооткриена месечина МК2 и Сончето во позадина (c) Alex Parker
Понатамошните набљудувања на оваа месечина можеби ќе им овозвожат на астрономите да ја пресметаат и масата на Макемаке што ќе придонесе до подобра претстава за нејзината густина, а на тој начин ќе се открие и дел од нејзиниот состав. Вселенскиот телескоп Хабл е клучен за проучување на надворешноста на Сончевиот систем. Исто така, тој ги откри четирите од вкупно пет месечини кои орбитираат околу Плутон.
Набљудувањата биле направени во април 2015, со широкоаголната камера на Хабл WFC3. Уникатната способност на Хабл за забележување на бледи објекти во близина на светли, заедно со острата резолуција, им овозможи на астрономите да ја одделат месечината од отсјајот на Макемаке. Пронајдокот беше објавен пред два дена. Со овој пронајдок сите џуџести планети од Кајперовиот појас имаат барем една месечина во орбита.
Џуџестите планети се означени со жолти имиња (с) Kevin M. Gill/Орион
Оваа слика од Хабл ја прикажува првата воопшто откриена месечина на џуџестата планета Макемаке. Малиот сателит, лоциран веднаш над Макемаке на оваа слика, е едвај забележлив бидејќи тој е речиси загубен од отсјајот на оваа многу светла џуџеста планета.
Фотографии со временска разлика од 2 дена каде јасно се гледа позицијата на МК 2 (с) NASA/ESA/Alex Parker
Набљудувачкиот тим ја користел истата техника со која се пронајдени малите сателити на Плутон во 2005, 2011 и 2012. Неколку претходни набљудувања на Макемаке биле без успех бидејќи најверојатно рамнината по која орбитира месечината МК 2 е во насока на нашата позиција, а тоа значи дека честопати кога ќе погледнеш во ситемот ќе пропуштиш да ја видиш месечината бидејќи таа се губи пред или зад позицијата и сјајот на Макемаке.
Автор: Сара Младеновиќ
RSS Feed
