Кометата Каталина (C/2013 US10) конечно доволно се оддалечи од Сонцето, а со тоа и навлегува сè подлабоко на ноќното небо со што би можело да се направат подобри фотографии со продолжена експозиција за да се истакнат и најбледите детали од нејзината раскошна опашка. Преку двоглед може да се види како маглива дамка со сјаен центар, опашките не се забележуваат. Додека преку телескоп може да се видат двете опашки, едната од прав, другата од јонизиран гас. Возможно е од 9 декември кога Месечината ќе се тргне од нејзината близина да биде видлива барем едната опашка преку двоглед. За жал не се очекува да достигне видливост со голо око.
Јапонија, 4 декември 2015 (с) Akihiro Yamazaki
Австрија, 6 декември (с) Michael Jаger
Канарски Острови, 3 декември 2015 (с) Fritz Helmut Hemmerich
Ново Мексико, САД, 6 декември 2015 (с) Brian Ottum
Утре на 8 декември во раните утрински часови ќе може да се набљудува од 4:00 ч. до 5:30 ч. на само 4 степени северно (лево) од Венера и 5 степени западно (горе) од тенкиот Месечев срп. Кога ќе ја набљудувате со двоглед Венера би требало да ви биде на десниот раб од видното поле, а Месечината на долниот раб, со што во таа позиција кометата треба да ви биде во централниот дел од полето.
Кометата Каталина УС10 на 8 декември во раните утрински часови ќе формира триаголна конјункција со Венера и Месечината, што може да ви помогне полесно да ја најдете на ноќното небо со помош на двоглед
Позицијата на Каталина УС10 утрово во однос на Венера и Месечината
Арканзас, САД, 7 декември 2015 (с) Brian Emfinger
Џорџија, САД, 7 декември 2015 (с) Greg Hogan
RSS Feed