Вториот најголем метеорит воопшто пронајден беше откриен во близина на малиот аргентински град Ганцедо. 30 тонскиот камен, именуван по градот каде што е пронајден, беше откриен на 10 септември и откопан од тим кој останал воодушевен од големината на овој метеорит.

Се верува дека овој метеорит паднал на земјата пред околу 4.000 години, како дел од железен метеоритен дожд кој покрил стотици квадратни километри, тој паднал на Земјата 1000 километри северозападно од Буенос Аирес на место познато како Кампо Дел Чиело. Се верува дека целосниот астероид тежел околу 600 тони и навлегол во земјината атмосфера со брзина од 14.000 километри на час, каде што се распаднал во дожд од помали метеорити.

Многу од помалите метеорити биле украдени од Кампо Дел Циело од страна на колекционери на сувенири или метеоритски трговци. Научниците велат дека Ганцедо повторно ке биде измерен за да се добие точна тежина.

Најголемиот метеорит некогаш откриен, таканаречен Хоба, паднал во Намибиа пред околу 80.000 години и тежел 66 тони. Хоба бил откриен во 1920 година од страна на фармер кој работел на својата нива. Метеоритот бил оставен на своето место бидејки бил премногу голем за да се премести.

Автор: Атанас Велчевски

Некогашната планета Плутон, а сега класифициран како џуџеста планета и член од Кајперовиот појас пред точно една година беше проучуван и детално фотографиран со помош на вселенската сонда Нови Хоризонти во прелетувачка мисија. Вселенската сонда продолжува со мисијата кон нов мал објект од Кајперовиот појас наречен 2014 MU69 каде треба да пристигне на почетокот од јануари 2019 година.

Една од скоро објавените мапи со зголемен контраст на релјефот и површинските карактеристики на Спутник платото:

Денес знаеме многу повеќе за Плутон, Харон и нивните сателити благодарение на оваа историска мисија кон надворешноста од Сончевиот систем. Во продолжение ви ги пренесуваме сите новости што беа објавени од мисијата Нови Хоризонти.

Во иднина, како и до сега ќе продолжиме да ве информираме за текот на оваа мисија како и за сите останати новости од астрономијата и сродните науки.

Во последниве неколку месеци, Нови Хоризонти постојано испраќаше податоци од блискиот прелет над Плутон кој се случи во јули оваа година. Сите досегашни слики беа спектакуларни и сите прикажуваа карактеристики кои геолозите и планетарните научници не ги очекуваа. Но сликите кои ги објавија вчера се токму оние кои беа направени од вселенската сонда Нови Хоризонти додека беше во најблиска положба над оваа џуџеста планета и се разбира при тоа се направија слики со највисока резолуција. Некои од сликите кои се дел од мозаикот имаат резолуција од само 80 метри и тие ќе бидат најбистрите фотографии сè додека не испратиме нова вселенска сонда кон Плутон.
Вториот дел од овој мозаик кој се протега од екваторијалниот дел кон јужната хемисфера ќе се објави дополнително кога ќе пристигнат остатокот на фотографиите од Нови Хоризонти, иако повеќето од нив се веќе пристигнати и објавени на официјалниот сајт во сирова форма.

Целиот мозаик во природни бои:

Доколку сакате да ги видете фотографиите во изворна резолуција, кликнете на фотографијата погоре. НАСА исто така направи и видео клип на кој се прикажува од кој дел на Плутон потекнува мозаикот и краток приказ низ пределот составен од десетина засебни фотографии кои се протегаат од планините Ал-Идризи сè до централниот дел на Спутник Плато.

Сите овие фотографии кои се дел од мозаикот се снимени со телескопската камера на Нови Хоризонти, можеби на прв поглед делуваат едноставно, но со подетално разгледување ќе видите многу карактеристики како различни кратери во северниот дел и бразди од тектонска активност (горе), планински релјеф со очигледни форми на ерозија во средишниот дел, дури и некои збрчкани карактеристики во форма на песочни дини на самиот предел наречен Спутник Плато кои претходно делуваше сосема израмнето и глатко. Токму таму можете да забележите две кружни форми кои можеби се последица од удар од астероид, но поради големата вискозност на теренот не останал кратер.

Видео клип на кој е прикажан Плутон во лажни и пренагласени бои и приказ на мозаикот во изворна црно-бела слика како што се снимени со камерата:

На овој видео клип можете да го видите истиот предел во лажни и пренагласени бои: