Blog Archives

Новости во астрономијата за септември 2018

30/9/2018

Најинтересните вести кои можеби ги пропуштивте од полето на астрономијата и сродните науки.

- Први фотографии од површина на астероид

- Џозелин Бел ќе ја донира наградата од 3 милиони долари

- Поларниот шестоаголник на Сатурн

- Објавен првиот астро-патник околу Месечината

- Прстени од црни дупки

Следете нè и понатаму.

Небото во октомври:

0 Comments

Први фотографии од површина на астероид

25/9/2018

0 Comments

Од јапонското вселенско летало Хајабуса 2 кое е во орбита на астероидот Рјугу се испратија 2 сонди на самата површина. Сондите ги нарекуваат ровери бидејќи можат да ја менуваат локацијата скокаjќи од една позиција на друга. Роверите 1А и 1Б се наречени МИНЕРВА-II1 кои за викендот ги испратија првите снимки направени на површината од астероидот и делуваат спектакуларно. Роверите се со големина на фризби и тежат помалку од еден килограм.

Фотографија направена од роверот 1А во саботата на 22 септември со одблесок од сончевата светлина низ леќите (с) JAXA/Hayabusa 2

Горната фотографија е направена додека роверот 1А отскокнувал од површината. Ова е прв пример од сонда која слетала на астероид и може да ја менува позицијата со помош на реактивни мотори.

Уметничка претстава на малите ровери на површината на Рјугу (с) JAXA

Фотографија од роверот 1Б направена на стотина метри од површината на астероидот Рјугу пред слетувањето (с) JAXA/Hayabusa 2

Во иднина планирани се уште 2 слетувања, со германската сонда МАСКОТ на почетокот од октомври и МИНЕРВА-II чие слетување е планирано за наредната година.

Автор: Ивана Крстевска

0 Comments

Собирање на вселенски отпад со мрежа

20/9/2018

0 Comments

Направена е интересна снимка од сателит кој исфрла мрежа за собирање на вселенски отпад. Британскиот сателит РимувДибрис (NanoRacks-Remove Debris) кој прво беше прикачен до Меѓународната вселенска станица - МВС, а потоа упатен кон целта која требаше да ја земе, мал КјубСат сателит. Операторите се задоволни од начинот на извршување на мисијата која одмина според планираното. На видеото се забележува неконтролираната ротација на малиот сателит кој се наоѓа на само 8 метри од РимувДибрис при исфрлување на мрежата. По оваа постапка за неколку месеци малиот сателит заедно со мрежата ќе навлезе во атмосферата комплетно согорувајќи.

Моментот на исфрлување на мрежата од сателитот за ловење на вселенски отпад (c) NanoRacks-Remove Debris

Изглед на малите КјубСат сателити кои најчесто се се поставуваат во орбита од Меѓународната вселенска станица (с) NASA

Покрај оваа метода британскиот сателит РимувДибрис ќе може да користи и харпун со кој ќе ги собира нефункционалните сателити. Нај крај од мисијата сателитот ќе ослободи големо едро со што значително ќе се забрза времето на деорбитирање и пад во атмосферата. Вакви сателити се очекува да помогнат при расчистување на вселенски отпад кој се наоѓа во ризична близина на функционални сателити и Меѓународната вселенска станица.

Автор: Мартин Стојковски

0 Comments

<<Previous

Новости во астрономијата за септември 2018

Први фотографии од површина на астероид

Собирање на вселенски отпад со мрежа

Категории

Архива