Blog Archives

Новости во астрономијата за септември 2017

30/9/2017

Најинтересните вести кои можеби ги пропуштивте од полето на астрономијата и сродните науки.

- Денот кога Сатурн и Касини станаа едно

- Втора супермасивна црна дупка во Млечниот Пат

- Гравитациските бранови забележани од 3 опсерватории

- Стара ѕвезда ги испушта горните слоеви

- Супермасивни црни дупки во неверојатна близина

Следете нè и понатаму.

Небото во октомври

0 Comments

Гравитациските бранови забележани од 3 опсерватории

28/9/2017

0 Comments

Оваа четврта објава на забележани гравитациски бранови од сплотување на црни дупки кои за прв пат се забележани од новата мрежа со три различни детектори, два на LIGO во САД и новиот VIRGO во Европа. Со новата мрежа можно е далеку попрецизно лоцирање на позицијата на небото гравитациските бранови.

Споредба на прецизноста на локацијата на потеклото на сигналот обработен со и без инструментите на VIRGO

Планираната кампања на заеднички, многу попрецизни набљудувања од трите опсерватории ќе започне од септември 2018 година. Со подобрување на инструментите и користење на три опсерватории се очекува забележување на 3 до 4 вакви настани секој месец.

Прецизноста при лоцирање на настанот на небото во однос на претходните набљудувања (с) LIGO/VIRGO

Анимација на која се прикажани гравитациските бранови при сплотување на црните дупки:

Двете набљудувани црни дупки биле оддалечени околу 2 милијарди светлосни години, со маси од 35 и 25 сончеви маси, по што се создала црна дупка од околу 58 сончеви маси и радиус од околу 150 km. При овој настан дел од заедничката маса се ослободила како гравитациска енергија од 2 до 3 сончеви маси.

Забележаниот сигнал во трите опсерватории (с) LIGO/VIRGO

Настанот е со каталошки број GW170814 бил забележан оваа година на 14 август. Новата опсерваторија VIRGO која се наоѓа во Италија се приклучила на веќе активните LIGO опсерватории од 1 август, а две недели подоцна е забележан овој настан. Со новиот европски детектор направена е еден вид на пресвртница во истражувањето на гравитациските бранови.

Графички приказ на големините на забележаните црни дупки во споредба со претходните набљудувани, како преку гравитациски бранови, така и преку рентгенските телескопи (с) LIGO/VIRGO

Секој забележан гравитациски бран претставува важен придонес во науката и значително се развива разбирањето на особините на овие скоро невидливи космички тела. Гравитациските бранови воедно претставуваат единствен директен начин на набљудување на црните дупки и клучен начин на пронаоѓање на аномалии во општата теорија на релативитет, доколку постојат.

Автор: Кристијан Шишковски

0 Comments

Врела егзопланета со титаниумова атмосфера

22/9/2017

0 Comments

За прв е забележан титаниум оксид на атмосфера од егзопланета. Оваа појава е откриена на планета од класата ’врели Јупитери’ со каталошко име WASP-19b. Планетата има слична маса со Јупитер, но орбитира толку близу до својата ѕвезда што една орбита трае само 19 часа и температурата во горните делови од атмосферата достигнува 2.000°С.

Уметничка претстава од WASP-19b (с) ESO/M. Kornmesser

Кога WASP-19b поминува пред матичната ѕвезда, дел од светлината поминува низ атмосферата оставајќи суптилни траги при набљудувањата. Освен титаниум оксид забележани се вода и натриум низ замаглената атмосфера.

Инфографик каде е прикажана патеката на светлината од ѕвездата. Кога егзопланетата WASP-19b преминува пред матичната ѕвезда дел од светлината има интеракција со нејзината атмосфера (с) ESO/M. Kornmesser

Титаниум оксид ретко се среќава на Земјата, а во поголеми количини претходно забележан е во атмосферите на ладни ѕвезди. Во атмосферата на планети како WASP-19b овој гас има улога како ублажувач на топлината, во големи количини овие соединенија спречуваат топлината да навлезе во внатрешноста додека воедно ја спречува топлината и да излезе од внатречноста. Овие услови доведуваат до термичка инверзија каде температурата е повисока во горните слоеви од атмосферата и се намалува во подолните слоеви, што е обратно од вообичаени случаеви кога планетите се подалеку од ѕвездата. Озонот на Земјата има слична улога каде се појавува инверзија во горните слоеви од стратосферата.

WASP-19b е набљудувана подолго од една година, мерејќи ги суптилните промени во светлината додека планетата се наоѓа пред својата ѕвезда. Новите методи ветуваат дека многу брзо ќе дознаеме многу повеќе за различниот состав на атмосферите на другите планети.

Автор: Мартин Стојковски

0 Comments

<<Previous

Новости во астрономијата за септември 2017

Гравитациските бранови забележани од 3 опсерватории

Врела егзопланета со титаниумова атмосфера

Категории

Архива